БУРХАНЫ ҮР

Нямбуугийн Нямдорж
/1934-1996/

***
Онцын хөөрхөн хүүхэн гэдэг
Зүрхний их хулгайч юм
Олон эрсийг шаналгах
Сэтгэлийн тулааны талбар юм.

Энгүй сайхан түүнд
Зyyн зүрх тимүүлж
Эцэс хойно нь болоход
Ерэн ес нь шархална.
***
Онон гол миний л гол
Ондоон хэний ч биш миний гол

Ариухан Онон миний л гол
Алдхан биений минь амин гол

Уртхан Онон миний л гол
Уг биений минь улаан гол.
***
Мөчир

Өнгөлөг навчсаа намрын салхинд алдчихаад
Өөрөө зөвхөн цулгуй үлдсэн мөчир
Өвдөж өвдөж үхэхийн өмнө байсан
Өвөг эцгийн минь хатангир гарыг санагдуулна
***
Өндөгний минь хээ
Өөрчлөгдөшгүй.
Хурууны минь хээ
Хувиршгүй.
Алганы минь хээ
Арилшгүй.
Миний хээ
Минийх…
***