БУРХАНЫ ҮР

Долгорын Нямаа

Шөнийн талд адуу янцгаана 

Эртний домог шиг буурал тал
Эргэн тойрон чимээ алдана
Алс замын алжаал тайлж
Аяны хүн талдаа хононо

Гүн харанхуйд тэнгэрийн заадал
Гүүн зэл шиг сунайн цайрна
Амгалан талын аяс хөндөж
Алдуурсан унага шиг од харвана

Эртний домог шиг буурал тал
Эргэн тойрон чимээ алдана
Оддын дунд ижлээ үзсэн юм шиг
Шөнийн талд адуу янцгаана